Arne Falk-Rønne hevur gingið í fótaslóð Paulusar, soleiðis sum hann í mong ár ferðaðist ígjøgnum londini í Næreystri, til hann endaði sínar dagar sum pínslaváttur í Róm.Á stak áhugaverdan hátt knýtir hann fortíð og nútíð saman til eina modernaða ferðafrásøgn.“Eg setti mær fyri at ganga somu gøtur, sum Paulus gekk, og skriva um plássini. Tí er hetta ein ferðabók. Men á leiðini gjørdi eg mær eisini eina mynd av manninum Paulusi og royndi tí at lýsa mannin, lív og ferðir hansara.”