Teir vóru skemtiligir, heimspekiligir, politiskt tilvitandi og dugdu sjaldsama væl at skriva. Teir vóru víðskygdir og alt annað enn heimføðisligir. Teir vóru góðir við sínar landsmenn, men høvdu lætt við at grína at okkara veikleikum. Í brøvunum teirra millum síggja vit alt hetta. Hvussu hesir ungu menninir hugsaðu, hvat teir ætlaðu, og hvussu lívið legnaði seg frá 1920–1938, er alt lýst í brøvunum. Inniliga, persónliga, stuttliga og væl hugsað.