At hava samlegu kallast eisini at hava sex ella at elska og knýta ástarband. Tað finnist ikki nøkur heilt einkul frágreiðing uppá hvat sex er tí tað er ymiskt frá persóni til persón. Tað kann verða millum mann og kvinnu, tvey mannfólk ella tvey konufólk.

Sex verður ikki definera eins av øllum, fyri summi kann eitt smíl ella tað at kelast og mussast kennast sum eitt seksuelt upplivilsi. Sex nýtist ikki at hava nakað at gera við standing ella at gerast vát, ella seksuella samlegu og orgasmu. At mussast, klemmast, halda í hond ella at liggja og halda um hvørt annað kan eisini vera ein seksuell uppliving fyri summi.

Summi fáa hug til sex og onnur ikki. Hjá summum byrjar áhugin til sex at broytast tá man kemur í tannárini, summi fáa hug til sex meðan onnur als ikki geva sær far um tað. Og hvørgan er ónormalt.

Summi fólk fáa ongantíð ordeliga hug til sex við øðrum fólkum, tey dáma kanska betur at hugna sær einsamøll. Uppaftur summi fáa als ikki hug til sex, meðan summi fáa hug men kanska ikki fáa eins nógv burturúr tí sum onnur. Hetta kallast Aseksualitetur, og er púra vanligt. Tað eru enntá fleiri mátar ein kann vera aseksuellur á og tað er bert ein sjálvur sum velur um man definerar seg sum aseksuellan ella ikki.

Tað er vika sex hesa vikuna og vit hava hópin av bókum tú kann lesa fyri at læra meira um evni.

Vit síggjast!

Vit vísa til sundhed.dk og sexlinien.dk