Bøkurnar um skrímslini eru á sjey ymsum málum og hava fingið virðislønir og viðurkenningar og frálík ummæli uttanlands. Temað í bókini hesaferð er at tora at siga sum er, at viðurkenna at tú ert eitt sindur bangin. Tað kann vera eitt sindur trupult, tá tú ikki ert so skrøpp ella skrappur, sum tú gjarna vilt vera. Høgt upp í trænum sveiggjar Stóra Skrímsl og sigur frá sínum ævintýrum á vandamikla Skrímslatindi. Niðri undir trænum stendur lítla skrímsl og lets ikki at ræðast hæddir. - Eg tori at klintra upp á Filsnafelli, reypar lítla skrímsl. - Nær fert tú? spyr Stóra Skrímsl. - Eg komi við. Hetta er sætta bókin í røðini, sum hevur sín egna stíl, við ekspressivum myndamáli og fittum søgum, sum geva góða meining. Tað eru tey trý Rakel Helmsdal, Kalle Güettler og Áslaug Jónsdóttir, ið hava skrivað. Ásleyg Jónsdóttir er eisini myndprýðarin.