Warren Wiersbe var kendur bíbliulærari og høvundur. Hann skrivaði meiri enn 150 bøkur. Eisini hevði hann bíbilskar send­ingar í útvarpi. Hann sá alsk sín til at lýsa og greiða frá Skriftunum sum eina gávu, Gud hevði givið honum, øðrum til hjálpar. Hann segði einaferð:

"Fyri meg er skriving eitt starv. Eg eri ikki ítróttamaður. Eg eri ikki maskinsmiður. Tað er so nógv, eg ikki dugi, sum onnur megna so væl. Men eg dugi at lesa, granska, hugsa og læra. Tað er ein vøkur, undurfull gáva frá Gudi. Eg geri ikki annað enn at nýta tað, Hann hevur givið mær, til at læra onnur og at geva Harranum Jesusi Kristi dýrd."

Páll Á Lakjuni skrivar soleiðis um bókina:
Undirritaði keypti bókina á enskum fyri nøkrum árum síðan. Gjørdist hugtikin av henni beinanvegin, eg fór at lesa í henni. Hesi smáu brotini – hesar viðmerkingar – til hvønn kapittul í Nýggja Testamenti dámdi mær so væl, at eg fór í holt við at týða tey til føroyskt. Eg havi eisini nýtt bókina sum andaktsbók, hóast hon ikki beinleiðis er tað. At hava lisið ein kapittul í Nýggja Testamenti og síðan tað, høvundurin skrivar um hann, hevur verið mær til stóra signing.

(Frá leirkerid.fo)