FO EN

Sólgarðurin (Bók)

Beinir Bergsson
kr. 220,00

Beinir Bergsson vann í 2018 Ebbu-virðislønina, og tá segði dómsnevndin millum annað:

"Vit eru fegin um at lata Beini fyrstu Ebbu-virðislønina, og meta, hann er ein sera virðiligur móttakari. Ein ungur, gávaður, djarvur høvundi, ið longu hevur ríkað okkum og okkara bókmentaheim, og sum vit vóna, framhaldandi fer at geva okkum nógvar ríkandi lesiupplivingar, lærdóm og ljós í og úr myrkrinum."

---

Dimma.fo skrivar soleiðis um savnið:

"Beinir hevur fleiri ferðir mist fólk, ið hann var góður við. Hann royndi at fara til grøvina hjá teimum: “Har fann eg onkutíð frið, men eg fann eisini útav, at í summum førum kann man bara velja sær eitt stað. Ofta velur man eitt fysiskt stað, men eg trúgvi uppá, at man kann førka tað hugtakið til eitt fyribrigdi.”

Í yrkingasavninum fann Beinir bæði fram til eitt fysiskt stað, ið er Sólgarðurin, og eitt inniligt rúm millum  tvey góð.

"Einastaðni í savninum tosar ein abbi um tað farnu ommuna, og greiðir frá, at hon sjálv hevði lagað  Sólgarðin. Har fór hon, tá hon vildi hava frið. Men tað sum Sólgarðurin umboðar er transendent og kann  førast yvir til kynslívið.""

 

Ummæli

  • In.fo

    Nýtt yrkingasavn ferðast kring longsul, plantur og kærleika millum menn.

    Forlagið Eksil hevur útgivið yrkingsavnið »Sólgarðurin« eftir Beinir Bergsson.

     

    – Sólgarðurin er bæði eitt nýtt og brúnt yrkingasavn við einum veldigum blómutyssi á forsíðuni. Insektini og skriðdjórini mala inni í bókini, og ein svartaklukka sigur hey á baksíðuni, skrivar forlagið um útgávuna.

     


    – Vit eru farin inn í Sólgarðin, sum bæði er eitt ítøkiligt og eitt ímyndað stað, har vit møta ommuni hjá eginum og abbanum, men mest av øllum eini ørgrynnu av plantum so sum vetrarsteinbrot, høsnagras, mýrufípu og berjalyngi saman gróðri og mjúkum, eymum løtum, sum sleingja seg eftir síðunum sum plantur, ið leingjast eftir ljósi upp eftir síðunum í bókini. 

     

     

    – Vit eru bæði í einum sansaðum núi í samtíðini, har eitt meiri tilkomið eg fyriheldur seg til ein pápa, sum doyði, og í einum plantukendum heimi við sansandi erotiskum yrkingum um kærleika millum menn.

     

    Sambært forlagnum er tónin friðarligur og innarligur við einum farra av longsli eftir teimum, sum eru farin í familjuni, og eru myndir av maðkum og grindalokkum afturkomandi.

     

    – Formtilvitað førkar teksturin seg aftur og fram í søguni hjá eginum í ymiskum aldrum, har Sólgarðurin er miðjan í søguni um alt, um ommuna, abban, pápan og um alt tað, sum hendir í einum sansandi veldi av lívrunnum veruleika, skrivar forlagið.

Líknandi vørur