I nýggju bókini fara vit at lesa um Jack, sum leitar eftir yndisleiku síni, einum spæligrísi, ið hvørvur jólaaftan. Bókin er til børn, sum eru umleið átta ár og eldri, og hetta er fyrsta pappírsbókin til børn, sum J. K. Rowling gevur út, síðan hon skrivaði bøkurnar um Harry Potter.
Stjóri á Bókadeild Føroya Lærarafelags, Niels Jákup Thomsen, sigur soleiðis um bókina:
”Vit á Bókadeildini gleðast um at vera partur av hesi spennandi útgávuætlan. Eins og Harry Potter-bøkurnar megnar bókin at viðgera veruleikan á gandakendan hátt og talar soleiðis beint til børn í øllum aldri”.