Børn og ung varskógva á ymsan hátt, at eitthvørt er, sum ikki eigur at vera. Men tað eru børn og ung, sum satt at siga halda, at alt er tó í lagi. Onnur dylja tað, sum teimum er fyri. Tey, sum vóru fyri kynsligum ágangi á ungum árum, siga: „Vaksin mugu hava vitað tað – tey áttu at havt skilt, at okkurt var galið?“

Í bókini fært tú at vita, hvat ið tú kanst gera. Bókin gevur áræði, so at tú betur veit, hvat gerast skal. Bókin er hent í ráðum. Stóran týdning hevur at fáa barnið at greiða frá tí, ið tyngir. Skrivað er um dulsmál og um tað at kína. Eisini fáa vit at vita, hvussu tey, ið sum ung vórðu kynsliga misnýtt, hava tað, nú tey eru tilkomin. Bókin kunnar lesaran um eitt viðkvæmt evni.

Bókin er ætlað lesandi í skúla-, heilsu- og almannaverki og fakfólki, eisini er bókin hóskandi lesnaður, ætlaður teimum, sum hugsa um kynsligan ágang á børn.