Ólavsøkudag vóru 150 ár liðin , síðani løgtingið helt sín fyrsta fund, eftir at tingið var endurstovnað. Í 1997 fóru fyrireikingarnar í gongd at hátíðarhalda dagin, og avgjørt var at gera eina fulfíggjaða løgtingssøgu. Bókaverkið er í trimun bindum. 1.bind er um søgu Løgtingsins frá landnámi til 2002 við serligum denti á tíðina eftir 1852. Í 2.bindi eru greinar um ymisk evni við tilknýti til Løgtingið og arbeiði tess og ævisøgur tingmanna frá 1852 til 2002. 3. bind fatar um val og valtøl frá 1852 til 2002.